संविधानको रक्षाका लागि परिवर्तनकारी शक्तिहरू एक हुनुपर्नेमा माधवकुमार नेपालको जोड

नेपाली कम्युनिष्ट पार्टी (नेकपा) का सहसंयोजक एवं पूर्वप्रधानमन्त्री माधवकुमार नेपालले संविधानको रक्षाका लागि परिवर्तनकारी शक्तिहरूबीच एकता हुनुपर्नेमा जोड दिएका छन्। शनिबार वीरगञ्जमा आयोजित पत्रकार भेटघाटमा उनले संघीयता, समावेशिता र मौलिक हकजस्ता उपलब्धिहरूको संरक्षणका लागि कार्यगत एकता अपरिहार्य रहेको बताए। ठूलो संघर्ष र बलिदानबाट प्राप्त संवैधानिक अधिकारहरूको पूर्ण कार्यान्वयनका लागि सबै परिवर्तनकारी शक्ति एक हुनुपर्ने उनको भनाइ छ।