जलवायु न्यायको मुद्दा अन्तर्राष्ट्रिय मञ्चमा उठाउन संसदीय समितिको सरकारलाई सुझाव

कृषि तथा प्राकृतिक स्रोत समितिले हिमाली तथा उच्च जोखिमयुक्त क्षेत्रमा परेको जलवायु परिवर्तनको असरबारे अन्तर्राष्ट्रिय मञ्चमा सशक्त रूपमा कुरा उठाउन सरकारलाई निर्देशन दिएको छ। बिहीबार सिंहदरबारमा बसेको समितिको बैठकले विश्वव्यापी हरितगृह ग्यास उत्सर्जनमा नेपालको भूमिका नगण्य भए पनि यहाँ परेको असरका लागि जलवायु न्याय र अनुकूलनका पहलहरू अघि बढाउनुपर्नेमा जोड दिएको छ। समितिले जलवायु न्यायलाई नेपालको प्रमुख अन्तर्राष्ट्रिय मुद्दा बनाउन समेत सरकारलाई सुझाव दिएको छ।