भोटेकोशी बाढीपछि आपूर्ति संकट र महँगी बढ्ने भन्दै सांसद लिमा अधिकारीद्वारा सरकारको ध्यानाकर्षण

राष्ट्रिय स्वतन्त्र पार्टीकी सांसद लिमा अधिकारीले भोटेकोशी बाढीका कारण सडक र सीमा नाका अवरुद्ध हुँदा मुलुकमा आपूर्ति संकट र महँगीको जोखिम बढेको भन्दै सरकारको ध्यानाकर्षण गराएकी छन्। बिहीबार प्रतिनिधिसभाको शून्य समयमा बोल्दै उनले बाढीले सडक, पुल र हजारौँ नागरिकको जीविकोपार्जनमा क्षति पुर्याएको बताइन्। सरकार समयमै गम्भीर नभए गरिब जनता महँगीको मारमा पर्ने निश्चित रहेको भन्दै उनले सचेत गराएकी छन्।