रसुवा बाढीमा बेपत्ता ५१ जनाको खोजी तीव्र पार्न सांसद कवीन्द्र बुर्लाकोटीको माग

राष्ट्रिय स्वतन्त्र पार्टीका प्रमुख सचेतक कवीन्द्र बुर्लाकोटीले रसुवामा आएको बाढीमा परी बेपत्ता भएका ५१ जनाको खोजी तथा उद्धार कार्यलाई तीव्र बनाउन सरकारसँग माग गरेका छन्। बिहीबार प्रतिनिधिसभा बैठकमा बोल्दै उनले बेपत्ता हुनेहरू गोरखाका बासिन्दा भएको जानकारी दिँदै हालसम्मको प्रयास अपुग रहेको बताए। उनले दक्ष जनशक्ति र आधुनिक उपकरण परिचालन गर्न आग्रह गर्दै जोखिमयुक्त क्षेत्रमा मानव बस्ती नबसाउन समेत सरकारलाई सुझाव दिएका छन्।