सांसद अमरेशकुमार सिंहद्वारा सरकारको कार्यशैली र सल्लाहकारतन्त्रको कडा आलोचना

राष्ट्रिय स्वतन्त्र पार्टीका सांसद अमरेशकुमार सिंहले वर्तमान सरकार संसदीय पद्धतिभन्दा बाहिर गएर सल्लाहकार र सचिवालयको निर्देशनमा चलेको भन्दै कडा आलोचना गरेका छन्। बिहीबार प्रतिनिधि सभाको बैठकमा बोल्दै उनले सरकार सिंहदरबारबाट नभई हुकुमी र गुण्डा शैलीमा सञ्चालन भइरहेको आरोप लगाए। सांसद सिंहले प्रधानमन्त्रीका सल्लाहकारहरूको पृष्ठभूमिमाथि प्रश्न उठाउँदै कुनै पनि सल्लाहकारलाई जासुसी संस्थासँग सङ्गत गरेर विदेश जान छुट नहुने टिप्पणी समेत गरे।