सिन्धुलीमा मिनी ट्रकको ठक्करबाट एकको मृत्यु, दुई घाइते

सिन्धुलीको हरिहरपुरगढी गाउँपालिका–३ मा मंगलबार राति मिनी ट्रकको ठक्करबाट एक पैदलयात्रीको मृत्यु भएको छ भने दुई जना घाइते भएका छन्। मदन भण्डारी राजमार्गमा सिन्धुलीबाट मकवानपुरतर्फ जाँदै गरेको बा.प्र.०३–००१ ख १८१४ नम्बरको ट्रकले ठक्कर दिँदा स्थानीय माइते राईको घटनास्थलमै मृत्यु भएको हो। पैदलयात्रीलाई ठक्कर दिएपछि उक्त ट्रकले एउटा मोटरसाइकललाई समेत ठक्कर दिँदा अन्य दुई जना घाइते भएका छन्। प्रहरीका अनुसार दुर्घटनाका घाइतेहरूको उपचार भइरहेको छ।