भक्तपुरमा पाँच दीपङ्कर बुद्धको नगर परिक्रमासहित पञ्चदान पर्व मनाइँदै

भाद्र कृष्ण त्रयोदशी अर्थात् गुँलागा त्रयोदशीको अवसरमा भक्तपुरमा ऐतिहासिक एवं सांस्कृतिक पञ्चदान पर्व मनाइँदै छ। यस अवसरमा भक्तपुरका पाँच विहारबाट निकालिएका पाँच दीपङ्कर बुद्धलाई नगर परिक्रमा गराइँदै छ। नेवार समुदायका बौद्ध धर्मावलम्बीहरूले विभिन्न टोल, विहार र बहालहरूमा भेला भई श्रद्धापूर्वक पञ्चदान गरिरहेका छन्।