विदेशमा रहेका नेपालीको मताधिकार सुनिश्चित गर्न निर्वाचन आयोगद्वारा विज्ञहरूसँग छलफल

निर्वाचन आयोगले मतदाता नामावलीमा नाम भएका तर आफ्नो निर्वाचन क्षेत्रभन्दा बाहिर वा विदेशमा रहेका नेपाली नागरिकलाई मतदानको अवसर दिने विषयमा बुधबार विज्ञहरूसँग छलफल गरेको छ। काठमाडौंमा आयोजित उक्त छलफलमा नीति अनुसन्धान प्रतिष्ठान, नेपाल पोलिसी इन्स्टिच्युट र सूचना प्रविधि क्षेत्रका विज्ञहरूको सहभागिता रहेको थियो। सहभागीहरूले विदेशमा रहेका नेपालीहरूको मताधिकार सुनिश्चित गर्न आवश्यक पर्ने प्राविधिक र कानुनी पक्षहरूबारे सुझाव दिएका छन्।