भोटेकोशी बाढी राहत वितरणमा पीडितको गोपनीयता र मर्यादा कायम गर्न परिषद्को आग्रह

समाज कल्याण परिषद्ले भोटेकोशी बाढीबाट प्रभावित नागरिकको उद्धार र राहत वितरणका क्रममा पीडितको आत्मसम्मान, मर्यादा र गोपनीयताको सम्मान गर्न सामाजिक संघसंस्थालाई आग्रह गरेको छ। परिषद्ले रसुवा, नुवाकोट र धादिङ लगायतका जिल्लामा राहत वितरण गर्दा आचारसंहिता पालना गर्न र पीडितको अनुमति बिना फोटो वा भिडियो नखिच्न निर्देशन दिएको छ। भदौ १० गते नेपाल-चीन सीमास्थित भोटेकोशी-ल्हेन्दे खोलामा आएको बाढीले ती क्षेत्रमा क्षति पुर्याएको थियो।