पोखरा उद्योग वाणिज्य संघको अध्यक्षमा शोभा गौतम निर्वाचित, पहिलो महिला नेतृत्व

पोखरा उद्योग वाणिज्य संघको ३६ औँ अधिवेशनबाट शोभा गौतम अध्यक्षमा निर्वाचित भएकी छन्। संघको ७२ वर्षे इतिहासमा पहिलो पटक महिला नेतृत्व चयन गर्दै उनले नयाँ रेकर्ड कायम गरेकी हुन्। गौतमले ७ सय ५१ मत प्राप्त गरी आफ्ना प्रतिस्पर्धीहरू अर्जुन पोखरेल, उत्तममान बुद्धाचार्य र बलराम आचार्यलाई पराजित गरिन्। शनिबारदेखि सुरु भएको अधिवेशन अन्तर्गत आइतबार मतदान सम्पन्न भएको थियो।