ललितपुरको लुभुमा जमिनमुनिबाट निस्कियो ग्यास, स्थानीयले निःशुल्क खाना पकाउँदै

ललितपुरको महालक्ष्मी नगरपालिका-८ स्थित लुभुमा जमिनमुनिबाट प्राकृतिक ग्यास निस्किएपछि स्थानीयले त्यसको प्रयोग गरी निःशुल्क खाना पकाउन थालेका छन्। ग्वार्कोबाट करिब पाँच किलोमिटर टाढा गोदावरी खोला नजिकै रहेको एक खाली जग्गामा यस्तो दृश्य देखिएको हो। वरपर नयाँ घरहरू बन्ने क्रम बढे पनि उक्त खाली जमिनमा ढुङ्गाहरूका बीचबाट ग्यास बलिरहेको छ जसलाई स्थानीयले भान्साको रूपमा प्रयोग गरिरहेका छन्।