इन्टरपोल दिवसको अवसरमा भोटेकोशी बाढीका मृतकहरूको सम्झनामा दीप प्रज्वलन

इन्टरपोल दिवसको अवसरमा भोटेकोशी नदीको बाढीमा परी ज्यान गुमाउनेहरूको सम्झनामा काठमाडौंको सुन्धारामा दीप प्रज्वलन गरिएको छ। प्रहरी महानिरीक्षक दान बहादुर कार्कीको प्रमुख आतिथ्यतामा सम्पन्न उक्त कार्यक्रम नेपाल प्रहरी प्रधान कार्यालय अपराध अनुसन्धान विभागको इन्टरपोल शाखाले आयोजना गरेको हो। कार्यक्रममा बाढीमा ज्यान गुमाएका स्वदेशी तथा विदेशी नागरिकप्रति श्रद्धाञ्जली अर्पण गर्दै बेपत्ताहरूको सकुशल उद्धारको कामना गरिएको थियो।