भोटेकोशी बाढीको चुनौती सामना गर्न नेपाल प्रहरी परिचालन

भोटेकोशी नदीमा आएको बाढीका कारण सिर्जित बहुआयामिक चुनौतीको सामना गर्न नेपाल प्रहरी निरन्तर परिचालन भइरहेको छ। रसुवास्थित नेपाल-चीन सीमाबाट बाढी प्रवेश गरेलगत्तै प्रहरीले सूचना संकलन र आवश्यक रणनीति अवलम्बन गर्दै तटीय क्षेत्रमा अहोरात्र खटिएको छ। सीमित साधनस्रोतका बाबजुद प्रहरीले उपलब्ध प्रविधि र दक्ष जनशक्तिको प्रयोग गरी आफ्नो जिम्मेवारी पूरा गरिरहेको छ।