विदेशी नियोगहरूलाई दैवी प्रकोप उद्धार कोषका लागि छुट्टै खाता खोल्न सरकारको निर्देशन

नेपाल सरकारले विदेशस्थित नेपाली नियोगहरूलाई प्रधानमन्त्री दैवी प्रकोप उद्धार कोषमा सहयोग संकलन गर्न छुट्टै बैंक खाता सञ्चालन गर्न निर्देशन दिएको छ। परराष्ट्र मन्त्रालयका अनुसार कोषमा प्रत्यक्ष रकम पठाउन सीमा वा प्राविधिक कठिनाइ हुने भएकाले यो व्यवस्था गरिएको हो। बाढी पीडितका लागि विदेशबाट प्राप्त हुने सहयोगलाई व्यवस्थित बनाउन नियोगहरूले आफ्ना विविध खाता प्रयोग गर्न वा नयाँ खाता खोल्न सक्नेछन्।