फेवातालमा कायकिङ गर्ने क्रममा डुबेका युवकको सशस्त्र प्रहरीद्वारा उद्धार

पोखराको फेवातालमा कायकिङ गर्ने क्रममा डुबेका उदयपुरका २१ वर्षीय आयुष तामाङको सशस्त्र प्रहरीले उद्धार गरेको छ। पोखरा महानगरपालिका-६ स्थित तालबाराही मन्दिर नजिकै शुक्रबार दिउँसो यो घटना भएको हो। सशस्त्र प्रहरीको गोताखोर टोलीले तामाङलाई तालको करिब ३० फिट गहिराइबाट अचेत अवस्थामा फेला पारी उद्धार गरेको थियो।