कास्कीको सुपर सेती जलविद्युत आयोजनामा पहिरो जाँदा दुई मजदुरको मृत्यु

कास्कीको माछापुच्छ्रे गाउँपालिका-१ मा निर्माणाधीन सुपर सेती जलविद्युत आयोजनाको पहुँच मार्ग खन्ने क्रममा पहिरो जाँदा दुई मजदुरको मृत्यु भएको छ। मृत्यु हुनेमा धनकुटाका २६ वर्षीय आयुष राई र खोटाङका २७ वर्षीय किसन राई रहेका छन्। शुक्रबार काम गरिरहेको अवस्थामा पहिरोमा परी गम्भीर घाइते भएका उनीहरूको उपचारका क्रममा अस्पतालमा मृत्यु भएको हो।