जलविद्युत आयोजनाको सुरुङमा उद्धारका लागि स्वीट्जरल्याण्डद्वारा नेपाललाई अत्याधुनिक ड्रोन सहयोग

जलविद्युत आयोजनाका सुरुङ र अन्य जोखिमपूर्ण स्थानहरूमा खोज तथा उद्धार कार्यलाई प्रभावकारी बनाउन स्वीट्जरल्याण्डले नेपाललाई एक अत्याधुनिक ड्रोन उपलब्ध गराएको छ। ऊर्जा, जलस्रोत तथा सिँचाइ मन्त्री विराज भक्त श्रेष्ठको सचिवालयको विशेष पहलमा उक्त ड्रोन नेपाल विद्युत प्राधिकरणलाई हस्तान्तरण गरिएको हो। यो अत्याधुनिक प्रविधिले कठिन भूमिगत क्षेत्रहरूमा हुने आपतकालीन उद्धार क्षमतालाई मजबुत बनाउने अपेक्षा गरिएको छ।