अङ्ग्रेजमाथि विजयको सम्झनामा पाल्पाको तानसेनमा ऐतिहासिक भगवती जात्रा

नेपालले अंग्रेज फौजलाई पराजित गरेको खुसीयालीमा पाल्पाको तानसेनमा आज २०७औँ ऐतिहासिक भगवती जात्रा (रथयात्रा) निकालिँदै छ। रणउजेश्वरी भगवती गुठी सञ्चालक समितिका अध्यक्ष अशोक महर्जनका अनुसार हरेक वर्ष कृष्ण जन्माष्टमीको भोलिपल्ट यो रथयात्रा निकाल्ने परम्परा रहेको छ। तानसेन नगरपालिका-३ स्थित भगवती मन्दिरबाट आज दिउँसो १२:३० बजेको शुभसाइतमा ब्राह्मणहरूद्वारा स्वस्ती वाचन गरी जात्राको शुभारम्भ गरिनेछ।

नेपाल र इस्ट इन्डिया कम्पनीबीचको युद्धमा नेपाली सेनाले हासिल गरेको ऐतिहासिक विजयको खुसीयालीमा पाल्पाको तानसेनमा २०७औँ भगवती जात्रा मनाइएको छ। कर्णेल उजिरसिंह थापाको नेतृत्वमा प्राप्त विजयको स्मरणमा हरेक वर्ष कृष्ण जन्माष्टमीको भोलिपल्ट रणउजिरेश्वरी भगवतीको रथयात्रा निकाल्ने परम्परा रहेको छ। मुख्यमन्त्री आचार्यसहितका नेताहरूले अवलोकन गरेको यस रथयात्राको व्यवस्थापन रणउजेश्वरी भगवती गुठी सञ्चालक समितिले गरेको थियो।