चाडपर्वले राष्ट्रिय एकता र सामाजिक सद्भाव सुदृढ बनाउँछन्: सभापति गगनकुमार थापा

नेपाली कांग्रेसका सभापति गगनकुमार थापाले हाम्रा मौलिक संस्कृति, परम्परा र चाडपर्वले पुस्तौँदेखि नेपाली समाजलाई भावनात्मक रूपमा जोड्दै आएको बताउनुभएको छ। श्रीकृष्ण जन्माष्टमी र गौरा पर्वको अवसरमा शुभकामना सन्देश दिँदै उहाँले यी पर्वहरूले राष्ट्रिय एकता र सामाजिक सद्भावलाई सुदृढ बनाउने उल्लेख गर्नुभयो। उहाँले यस्ता सांस्कृतिक सम्पदाहरूले नेपाली समाजमा आपसी मेलमिलाप कायम राख्न महत्त्वपूर्ण भूमिका खेल्ने विश्वास व्यक्त गर्नुभयो।