भोटेकोशी बाढीपछि जलवायु अनुकूलनयुक्त पूर्वाधार निर्माणमा मन्त्री विराजभक्त श्रेष्ठको जोड

ऊर्जा, जलस्रोत तथा सिँचाइमन्त्री विराजभक्त श्रेष्ठले भोटेकोशी बाढीले आगामी दिनमा जलवायु अनुकूलनयुक्त संरचना निर्माण गर्नुपर्ने पाठ सिकाएको बताउनुभएको छ। सिंहदरबारस्थित मन्त्रालयमा स्वतन्त्र ऊर्जा उत्पादकहरूको संस्था (इप्पान) का पदाधिकारीहरूसँगको छलफलमा उहाँले जलवायुजन्य विपद्को सामना गर्न सक्ने पूर्वाधारमा जोड दिनुभयो। मन्त्री श्रेष्ठका अनुसार भौगोलिक बनावट र जलवायु परिवर्तनलाई मध्यनजर गर्दै अबका आयोजनाहरू अगाडि बढाउनु आवश्यक छ।