मुस्ताङमा छिटो पाक्ने जातका स्याउ टिप्न सुरु

मुस्ताङका किसान र व्यापारीहरूले छिटो पाक्ने जातका स्याउ टिप्न सुरु गरेका छन्। स्याउको गुणस्तर कायम राख्न र उचित बिक्री वितरण सुनिश्चित गर्न सरोकारवाला निकायहरूले भदौ १५ गतेदेखि स्याउ टिप्ने समय तोकेका थिए। जिल्ला समन्वय समितिको पहलमा स्थानीय जनप्रतिनिधि र कृषि विकास कार्यालयहरूको सहभागितामा यो निर्णय गरिएको हो।

मुस्ताङका स्याउ बगैँचाहरूमा छिटो पाक्ने जातका स्याउ टिप्न सुरु गरिएको छ। जिल्लाका सरोकारवाला निकायहरूले भदौ १५ गतेदेखि स्याउ टिप्ने समय तोकेसँगै किसान र व्यापारीहरूले धमाधम फसल संकलन थालेका हुन्। स्याउको गुणस्तर कायम राख्न जिल्ला समन्वय समितिको पहलमा यो समय सीमा निर्धारण गरिएको थियो। धेरैजसो बगैँचाहरूमा व्यापारीहरूले पहिले नै बैनाबट्टा गरिसकेकाले अहिले ढुवानीको तयारी भइरहेको छ।