बागमतीका मुख्यमन्त्री किरण थापामगर विरुद्धको रिटमा अन्तरिम आदेश दिन अदालतको अस्वीकार

उच्च अदालत पाटनको हेटौंडा इजलासले बागमती प्रदेशका मुख्यमन्त्री किरण थापामगरको नियुक्ति विरुद्ध दायर रिटमा अन्तरिम आदेश जारी गर्न अस्वीकार गरेको छ। न्यायाधीश जनक पाण्डेसहितको इजलासले प्रदेश सरकारको काम कारबाही रोक्नुपर्ने अवस्था नरहेको ठहर गरेको हो। अदालतका प्रवक्ता बद्रीप्रसाद लामिछानेका अनुसार यो निर्णयसँगै प्रदेश सरकारलाई आफ्ना नियमित काम अघि बढाउन बाटो खुलेको छ।