नेपालका बाढी प्रभावितको सहयोगका लागि सिक्किमबाट राहत टोली प्रस्थान

सिक्किमका मुख्यमन्त्री प्रेमसिंह तामाङ (गोले) ले नेपालका बाढी प्रभावितहरूको सहयोगका लागि 'सिक्किम फर नेपाल' नामक मानवीय पहल सुरु गर्नुभएको छ। सोमबार रिज पार्कबाट बिदाइ गरिएको उक्त टोलीमा पाँच विशेषज्ञ चिकित्सक, उद्धार स्वयंसेवक र करिब ३० जना कर्मचारी सहभागी छन्। सिक्किम क्रान्तिकारी मोर्चा (एसकेएम) को पहलमा पठाइएको यस टोलीले राहत र स्वास्थ्य सामग्रीसहित बाढी प्रभावित क्षेत्रमा सहयोग पुर्‍याउनेछ।