अनुशासन उल्लंघनको आरोपमा गुणराज लोहनी नेकपा (बहुमत) बाट निष्कासित

नेपाल कम्युनिस्ट पार्टी (बहुमत) ले अनुशासन उल्लंघन गरेको आरोपमा अध्यक्ष मण्डलका सदस्य गुणराज लोहनी 'प्रवीर' लाई पार्टीको साधारण सदस्य समेत नरहने गरी निष्कासन गरेको छ। पार्टी अध्यक्ष मण्डलको बैठकमा अध्यक्षमाथि अमर्यादित ढंगले गालीगलौज गरेको आरोप उनीमाथि लगाइएको छ। यस्तो व्यवहारले पार्टीको मर्यादा र अनुशासन उल्लंघन गरेको निष्कर्ष निकाल्दै उनलाई कारबाही गरिएको हो। उक्त बैठकको अध्यक्षता धर्मेन्द्र बास्तोला 'कञ्चन' वा कर्णजीतले गरेको उल्लेख छ।