सामुदायिक विद्यालयका शिक्षकहरूलाई प्रोत्साहन भत्ताबाट वञ्चित गरिएको भन्दै विरोध

सरकारले राष्ट्रसेवक कर्मचारीहरूलाई उपलब्ध गराउने १० प्रतिशत मासिक प्रोत्साहन भत्ताबाट सामुदायिक विद्यालयका शिक्षकहरूलाई वञ्चित गरेको भन्दै शिक्षक सङ्घ सङ्गठनहरूले कडा विरोध जनाएका छन्। महालेखा नियन्त्रक कार्यालयले आर्थिक वर्ष २०८३/८४ को बजेट कार्यान्वयनसम्बन्धी जारी गरेको निर्देशनमा निजामती, स्वास्थ्य र सुरक्षा निकायलाई समेटिए पनि शिक्षकहरूलाई बाहिर राखिएको छ। शिक्षा तथा मानव स्रोत विकास केन्द्रले सार्वजनिक गरेको कार्यक्रम कार्यान्वयन पुस्तिकामा यो विभेद देखिएको भन्दै शिक्षकहरूले आन्दोलनको चेतावनी दिएका छन्।