झापामा खुकुरी प्रहारको प्रयास गरेको आरोपमा चार युवक पक्राउ

झापा गाउँपालिकामा फोनमा भएको सामान्य विवादपछि खुकुरी र छुरी प्रहारको प्रयास गरेको आरोपमा प्रहरीले चार जनालाई पक्राउ गरेको छ। शनिबार राति झापा गाउँपालिका–५ का २६ वर्षीय सुरेश हेमरमको घरमा आक्रमण गर्न पुगेका २० वर्षीय आकाश मुर्मुसहितका युवाहरूलाई प्रहरीले नियन्त्रणमा लिएको हो। जिल्ला प्रहरी कार्यालय झापाका अनुसार पक्राउ पर्नेमा लोकबहादुर विक र एक नाबालकसहित अन्य दुई जना रहेका छन्। सामान्य विवादले उग्र रूप लिँदा हतियारसहित घरमै पुगेर आक्रमणको प्रयास गरिएको प्रारम्भिक अनुसन्धानले देखाएको छ।