प्रहरी महानिरीक्षक दानबहादुर कार्कीद्वारा धनुषामा नवनिर्मित प्रहरी भवनको उद्घाटन

नेपाल प्रहरीका प्रहरी महानिरीक्षक दानबहादुर कार्कीले जिल्ला प्रहरी कार्यालय धनुषाको परिसरमा नवनिर्मित सेवा केन्द्र र आवास भवनको उद्घाटन गर्नुभएको छ। बेलायत सरकारको आर्थिक सहयोगमा निर्माण सम्पन्न भएको यस भवनमा महिला, बालबालिका तथा ज्येष्ठ नागरिक सेवा केन्द्रको व्यवस्था गरिएको छ। जनकपुरधाममा आयोजित कार्यक्रममा बोल्दै महानिरीक्षक कार्कीले शान्तिपूर्ण समाज निर्माणका लागि समुदाय-प्रहरी साझेदारी र कानुनको समुचित कार्यान्वयन अपरिहार्य रहेको बताउनुभयो।