व्यवसायी दीपक भट्टको निवेदनमा सर्वोच्चद्वारा कैफियत प्रतिवेदन माग

बैंकिङ कसुर र सम्पत्ति शुद्धीकरण मुद्दामा पुर्पक्षका लागि थुनामा रहेका व्यवसायी दीपक भट्टले सर्वोच्च अदालतमा निवेदन दिएका छन्। उनले उच्च अदालत पाटन र विशेष अदालतले दिएको थुना आदेश बदर गरी पाउँ भन्दै सर्वोच्चमा ढोका ढकढक्याएका हुन्। उक्त निवेदनमाथि सर्वोच्च अदालतले सोमबारका लागि सुनुवाइ तय गरेको छ।

बैंकिङ कसुर र सम्पत्ति शुद्धीकरण मुद्दामा पुर्पक्षका लागि थुनामा रहेका व्यवसायी दीपक भट्टको निवेदनमा सर्वोच्च अदालतले कैफियत प्रतिवेदन माग गरेको छ। न्यायाधीश विनोद शर्माको एकल इजलासले उच्च अदालत पाटन र विशेष अदालतसँग उनलाई थुनामा राख्नुको कारण र आधारसहितको प्रतिवेदन माग गर्ने आदेश दिएको हो। आफूलाई थुनामा पठाउने तल्लो अदालतको आदेश बदर गरी थुनामुक्त हुन माग गर्दै भट्टले सर्वोच्चमा रिट दायर गरेका थिए।