ड्राइभिङ लाइसेन्सको स्वास्थ्य परीक्षण गर्ने क्लिनिकहरूलाई अवरोध नगर्न सर्वोच्चको आदेश

सर्वोच्च अदालतले सवारी चालक अनुमति पत्र (ड्राइभिङ लाइसेन्स) का लागि स्वास्थ्य परीक्षण गर्ने क्लिनिकहरूको सेवामा अवरोध नगर्न सरकारका नाममा अन्तरिम आदेश जारी गरेको छ। न्यायाधीश मेघराज पोखरेलको एकल इजलासले सुनौलो मेडिकल क्लिनिकले दायर गरेको रिटमा सुनुवाइ गर्दै उक्त आदेश दिएको हो। अदालतले अर्को निर्णय नभएसम्म ती स्वास्थ्य संस्थाहरूको कार्यसम्पादनमा कुनै बाधा नपुऱ्याउन निर्देशन दिएको छ।