विद्युतीय कारोबार मुद्दामा आरती रावल पुर्पक्षका लागि जेल चलान

काठमाडौँ जिल्ला अदालतले विद्युतीय कारोबार ऐन अन्तर्गतको कसुरमा आरती रावललाई पुर्पक्षका लागि थुनामा पठाउन आदेश दिएको छ। सर्वोच्च अदालतका न्यायाधीशविरुद्ध सामाजिक सञ्जालमा आपत्तिजनक टिप्पणी गरेको आरोपमा प्रहरीको साइबर ब्युरोले उनलाई असार २४ गते पक्राउ गरेको थियो। न्यायाधीश उमानाथ गौतमको इजलासले उनलाई जगन्नाथ देवलस्थित महिला बन्दीगृहमा पठाउन आदेश दिएको हो। रावलले यसअघि न्यायाधीश भुवन गिरीविरुद्ध वैवाहिक बलात्कारको मुद्दा दायर गरेकी थिइन्।