बागमती प्रदेश सरकारबारे एमालेको ‘पर्ख र हेर’ को नीति

नेकपा (एमाले) बागमती प्रदेश संसदीय दलले प्रदेश सरकारलाई दिँदै आएको समर्थनका सम्बन्धमा ‘पर्ख र हेर’ को नीति लिने निर्णय गरेको छ। शनिबार काठमाडौंमा बसेको संसदीय दलको बैठकले तत्काल सरकारबाट बाहिरिने वा समर्थन फिर्ता लिने विषयमा कुनै निर्णय नगरी यथावत् रहने निष्कर्ष निकालेको हो। भौतिक पूर्वाधार विकासमन्त्री डा. निदेशचन्द्र देवकोटाका अनुसार मुख्यमन्त्री इन्द्रबहादुर बानियाँको नियुक्तिपछिको विकसित राजनीतिक घटनाक्रमलाई मध्यनजर गर्दै दलले यो रणनीति तय गरेको हो।