पाँचथरको फालेलुङमा भीषण पहिरो, जोरपोखरी–एकतिन–मेमेङ सडक पूर्ण रूपमा अवरुद्ध

पाँचथरको फालेलुङ गाउँपालिका–२ एकतिनस्थित जोरपोखरी–एकतिन–मेमेङ सडक खण्डमा भीषण पहिरो जाँदा यातायात पूर्ण रूपमा अवरुद्ध भएको छ। आइतबार रातिदेखि पञ्चमुखी बजार नजिकै खस्न सुरु गरेको पहिरो सोमबार अपराह्नसम्म पनि निरन्तर झरिरहेको छ। पहिरोका कारण उक्त क्षेत्रमा सवारी साधन चल्न सकेका छैनन्। पहिरो झर्ने क्रम नरोकिएकाले सडक खुलाउने प्रयासमा बाधा पुगेको छ।