नेपाली श्रमिकका लागि प्रहरी चारित्रिक प्रमाणपत्रको झन्झट हटाउन मन्त्री यादवको आग्रह

युवा, श्रम तथा रोजगार मन्त्री रामजी यादव र नेपालका लागि संयुक्त अरब इमिरेट्स (यूएई) का राजदूत अब्दुल्ला सइद मुबारक जारवान अल शामसीबीच द्विपक्षीय भेटवार्ता भएको छ। भेटमा मन्त्री यादवले यूएई जाने नेपाली श्रमिकले दुई पटक प्रहरी चारित्रिक प्रमाणपत्र लिनुपर्ने विद्यमान व्यवस्था हटाउन आग्रह गर्नुभयो। यस पहलले वैदेशिक रोजगारीमा जाने श्रमिकहरूको प्रशासनिक झन्झट कम गर्ने र प्रक्रियालाई सहज बनाउने अपेक्षा गरिएको छ। दुई पक्षबीच नेपाल र यूएईको श्रम सम्बन्धलाई थप सुदृढ बनाउने विषयमा पनि छलफल भएको थियो।