विकल्पबिना होल्डिङ सेन्टरबाट नहटाउन माग गर्दै काठमाडौँमा सुकुम्वासीको प्रदर्शन

काठमाडौंको माइतीघर मण्डलमा सुकुम्बासीहरूले वैकल्पिक व्यवस्था नगरी होल्डिङ सेन्टरबाट हटाउन खोजेको भन्दै विरोध प्रदर्शन गरेका छन्। सुकुम्बासी केन्द्रीय संयुक्त संघर्ष समितिको नेतृत्वमा भएको उक्त प्रदर्शनमा विभिन्न कम्युनिस्ट घटकहरूले पनि ऐक्यबद्धता जनाएका थिए। प्रदर्शनकारीहरूले राज्यले भूमिहीन र अव्यवस्थित बसोबासीहरूलाई जबरजस्ती विस्थापन गर्न खोजेको आरोप लगाउँदै उचित पुनःस्थापनाको माग गरेका छन्।

सुरक्षित पुनःस्थापना र भू-स्वामित्वको माग गर्दै भूमिहीन सुकुम्वासी तथा अव्यवस्थित बसोबासीहरूले शनिबार काठमाडौँको माइतीघरदेखि बबरमहलसम्म प्रदर्शन गरेका छन्। सुकुम्वासी केन्द्रीय संयुक्त संघर्ष समितिको नेतृत्वमा भएको यस प्रदर्शनमा सहभागीहरूले वैकल्पिक व्यवस्था नगरी होल्डिङ सेन्टरबाट नहटाउन सरकारसँग माग गरेका छन्। सरकारले उचित आवासको व्यवस्था नगरी जबरजस्ती विस्थापन गर्न खोजेको भन्दै उनीहरूले विरोध जनाएका हुन्।