कैलालीमा खडेरीका कारण रोपेको धान सुक्न थालेपछि किसान चिन्तित

कैलालीका अधिकांश क्षेत्रमा लामो समयदेखि वर्षा नहुँदा रोपिएको धान सुक्न थालेपछि किसानहरू चिन्तित बनेका छन्। बोरिङको सहायताले रोपाइँ सम्पन्न गरे पनि पानी नपर्दा खेतमै धानका बिरुवा ओइलाउन थालेका हुन्। असारको मध्यसम्म पनि पर्याप्त वर्षा नहुँदा यस वर्षको धान उत्पादन घट्ने डरले कृषकहरूमा निराशा छाएको छ। खडेरीका कारण कृषि क्षेत्रमा परेको यो असरले स्थानीय अर्थतन्त्रमा समेत नकारात्मक प्रभाव पार्ने देखिएको छ।