कांग्रेसका दुई समूहले ओखलढुंगामा अधिवेशन सम्पन्न गरे

नेपाली कांग्रेसका दुई प्रतिस्पर्धी समूहले ओखलढुंगामा पालिका तथा प्रदेशसभा निर्वाचन क्षेत्रको क्षेत्रीय अधिवेशन सम्पन्न गरेका छन् । पूर्व सभापति शेरबहादुर देउवा निकट समूहले अधिवेशन गरेको छ भने नियमित १५औँ महाधिवेशन पक्षधर समूहले पनि सबै पालिका र दुवै प्रदेशसभा क्षेत्रमा अधिवेशन सम्पन्न गरेको छ । केन्द्रीय प्रतिनिधि गोमा केसीका अनुसार दसैँ र तिहारको बीचमा अधिवेशन गरिएको हो र सबै पालिका तथा दुवै प्रदेशसभा क्षेत्रमा सर्वसम्मत रूपमा नेतृत्व चयन भएको छ ।