आईजीपी दान बहादुर कार्कीद्वारा प्रहरी प्रमुखहरूलाई शान्ति कायम राख्न निर्देशन

नेपाल प्रहरीका महानिरीक्षक (आईजीपी) दान बहादुर कार्कीले समाजमा देखिएका जस्तो सुकै चुनौतीको सामना गर्दै शान्ति सुव्यवस्था कायम राख्न प्रहरी परिचालन थप प्रभावकारी बनाउन निर्देशन दिएका छन्। प्रहरी प्रधान कार्यालयबाट भर्चुअल माध्यमबारे आयोजित कार्यक्रममा उनले नागरिकका गुनासोको उचित सम्बोधन गर्दै सेवामा पूर्णरूपमा समर्पित भई कार्यसम्पादन गर्न निर्देशन दिए। उपत्यका प्रहरी कार्यालय, प्रदेश प्रहरी कार्यालयहरू, तालिम केन्द्रहरू, जिल्ला प्रहरी कार्यालयहरू तथा ट्राफिक प्रहरी कार्यालयहरूका प्रमुखहरूलाई नजिकिँदै गरेको महान चाडपर्वका सन्दर्भमा समसामयिक विषयमा निर्देशन दिइएको हो।