युद्धविरामका लागि साउदीले हुथीलाई इरानमार्फत एक अर्ब डलर प्रस्ताव गरेको दाबी

यमनका हुथी विद्रोहीसँग युद्धविराम कायम राख्न र आफ्नो देशमाथिका आक्रमण रोक्न साउदी अरेबियाले एक अर्ब अमेरिकी डलर दिने प्रस्ताव गरेको इजरायली सञ्चारमाध्यमले जनाएका छन् । रिपोर्टअनुसार इरानको मध्यस्थतामा भएको वार्ताका क्रममा उक्त प्रस्ताव गरिएको हो । साउदी रक्षामन्त्री राजकुमार खालिद बिन सलमान हुथीहरूसँग युद्धविरामबारे वार्ता गर्न तेहरान पुगेका थिए । रकम हस्तान्तरण भएको भने पुष्टि भएको छैन ।