सुपर टाइफुन चाम्पी ताइवान नजिकिँदै, सयौँ उडान रद्द

शक्तिशाली सुपर टाइफुन चाम्पी ताइवानतर्फ अघि बढेपछि पूर्वी एसियामा सयौँ उडान रद्द गरिएका छन् । ताइवानको केन्द्रीय मौसम विभागका अनुसार बिहीबार आँधीको शक्ति केही कमजोर भए पनि केन्द्र नजिक हावाको गति २२७ किलोमिटर प्रतिघण्टाभन्दा बढी रहेको छ । जोखिमलाई ध्यानमा राख्दै ताइवानमा विद्यालय, सरकारी कार्यालय र सेयर बजार बन्द गरिएका छन् भने २०० भन्दा बढी उडान रद्द भएका छन् । चाम्पी यस वर्ष प्रशान्त महासागर क्षेत्रमा देखिएका शक्तिशाली आँधीमध्ये एक हो ।

शक्तिशाली सुपर टाइफुन चाम्पी ताइवानतर्फ अघि बढेपछि ताइवानले बिहीबार स्थलीय चेतावनी जारी गरेको छ। आँधीका कारण ताइवान र जापानसहित पूर्वी एशियामा सयौँ हवाई उडान रद्द भएका छन् भने अमेरिका–जापान संयुक्त सैन्य अभ्यासका गतिविधि पनि हेरफेर गरिएका छन्। ताइवानमा विद्यालय, सरकारी कार्यालय र सेयर बजार बन्द गरिएको छ। ताइवानको केन्द्रीय मौसम विभागका अनुसार आँधीको केन्द्र नजिक हावाको गति २२७ किलोमिटर प्रतिघण्टाभन्दा बढी छ र यो शुक्रबार तटमा ठोक्किने सम्भावना छ।