इजिप्टमा बस र ट्रक ठोक्किँदा १२ जनाको मृत्यु, ३० घाइते

इजिप्टको राजधानी कायरोको दक्षिणपश्चिममा बस र ट्रक ठोक्किँदा कम्तीमा १२ जनाको मृत्यु भएको छ भने ३० जना घाइते भएका छन् । इजिप्टको स्वास्थ्य तथा जनसङ्ख्या मन्त्रालयका अनुसार मङ्गलबार कायरो–असियुत पश्चिमी मरुभूमि राजमार्गमा निजी कम्पनीको बस र ट्रक ठोक्किँदा दुर्घटना भएको हो । दुर्घटनापछि उद्धार तथा राहत कार्यका लागि घटनास्थलमा २८ वटा एम्बुलेन्स परिचालन गरिएको मन्त्रालयले जनाएको छ । घाइतेहरूलाई उपचारका लागि नजिकैको गिजा प्रान्तका अस्पतालमा लगिएको छ ।