बमको धम्कीपछि इजरायलबाट उडेको अस्ट्रियन एयरलाइन्सको विमान बुल्गेरियामा आकस्मिक अवतरण

इजरायलको तेल अभिभबाट अस्ट्रियाको भियनातर्फ उडेको अस्ट्रियन एयरलाइन्सको एयरबस ए३२० विमान बम राखिएको धम्कीपछि आइतबार राति बुल्गेरियाको राजधानी सोफियामा आकस्मिक अवतरण गराइएको छ । बुल्गेरियाको यातायात मन्त्रालयका अनुसार विमान अवतरणपछि यात्रुहरूलाई बाहिर निकालिएको थियो । विमानको सुरक्षाका लागि बुल्गेरियाली वायुसेनाले मिग–२९ लडाकु विमान परिचालन गरेको थियो । घटनामा कोही घाइते भएको खबर छैन र अनुसन्धान सुरु गरिएको छ ।