रुपन्देहीमा नतिजा कीर्ते गरी १३ जनालाई फर्जी लाइसेन्स वितरण, अख्तियारको खारेज निर्देशन

यातायात व्यवस्था कार्यालय, रुपन्देहीमा लिखित परीक्षा तथा ट्रायलको नतिजा नै फेरबदल र फर्जी अभिलेख खडा गरी १३ जनालाई गैरकानुनी रूपमा सवारी लाइसेन्स वितरण गरिएको खुलासा भएको छ। अख्तियार दुरुपयोग अनुसन्धान आयोगले गरेको विस्तृत अनुसन्धानले यो पुष्टि गरेको हो। आयोगका अनुसार २०७८ साल असार ११ गते सञ्चालन गरिएको परीक्षाको नतिजामा किर्ते भएको थियो। आयोगले फर्जी तरिकाले जारी भएका ती लाइसेन्स खारेज गर्न निर्देशन दिएको छ।