९० लाख ठगी मुद्दाकी फरार नितु ठाकुर ललितपुरबाट पक्राउ

करिब ९० लाख रुपैयाँ बराबरको ठगी तथा बैंकिङ कसुर मुद्दामा फरार रहेकी ४२ वर्षीया नितु ठाकुरलाई प्रहरीले पक्राउ गरेको छ। काठमाडौँ जिल्ला अदालत बबरमहलबाट पक्राउ पुर्जी जारी भएपछि फरार उनलाई मंगलबार ललितपुर महानगरपालिका–२३ धापाखेलबाट नियन्त्रणमा लिइएको हो। काठमाडौँ उपत्यका अपराध अनुसन्धान कार्यालय टेकुबाट खटिएको प्रहरी टोलीले उनलाई पक्राउ गरेको हो। सिरहाको लहान नगरपालिका–५ स्थायी घर भई हाल धापाखेल बस्दै आएकी ठाकुरलाई प्रहरीले नियन्त्रणमा लिएको छ।