इरानमा बन्धक उद्धारका क्रममा आइआरजीसीका एक सदस्यसहित पाँच बन्धक बनाउनेको मृत्यु

इरानको इस्लामिक रिभोलुसनरी गार्ड कप्र्स (आइआरजीसी) ले दक्षिणपूर्वी प्रान्त सिस्तान र बलुचिस्तानमा बन्धक बनाउने समूहविरुद्ध गरेको कारबाहीमा समूहका पाँच सदस्यको मृत्यु भएको जनाएको छ। उक्त कारबाहीमा आइआरजीसीका एक सदस्यको पनि मृत्यु भएको छ भने अपहरणमा परेका एक इन्जिनियरलाई सकुशल उद्धार गरिएको छ। आइआरजीसीले आफ्नो आधिकारिक समाचार माध्यम सेपाह न्युजमार्फत मंगलबार जारी गरेको विज्ञप्तिमा झाहेदानबाट यो जानकारी दिइएको हो।