न्यायपालिकाको जिम्मेवारी साझा प्रयासबाट मात्र सम्भव: प्रधानन्यायाधीश मनोजकुमार शर्मा

प्रधानन्यायाधीश डा. मनोजकुमार शर्माले न्यायपालिकाको जिम्मेवारी न्यायाधीश, अदालतका कर्मचारी र कानुन व्यवसायीहरूको साझा प्रयासबाट मात्र पूरा हुन सक्ने बताउनुभएको छ। शनिबार काठमाडौँमा उच्च अदालत बार एशोसिएशन पाटनको वार्षिक साधारणसभालाई सम्बोधन गर्दै उहाँले बार र बेन्चबीचको आपसी संवादमा जोड दिनुभयो। प्रधानन्यायाधीश शर्माले नागरिकको न्याय पाउने अधिकार सुनिश्चित गर्न कुनै पनि भिन्न बुझाइलाई संवादमार्फत समाधान गर्नुपर्ने उल्लेख गर्नुभयो।