आमा सुरक्षा कार्यक्रम पूर्ण रूपमा निःशुल्क गर्न सांसद तोसिमा कार्कीको माग

राष्ट्रिय स्वतन्त्र पार्टीकी सांसद डा. तोसिमा कार्कीले आमा सुरक्षा कार्यक्रमलाई पूर्ण रूपमा निःशुल्क बनाउन सरकारसँग माग गर्नुभएको छ। बिहीबार प्रतिनिधि सभाको आकस्मिक समयमा बोल्दै उहाँले राज्यले बच्चा जन्माउने प्रक्रियामा मात्र नभई सुरक्षित मातृत्वका सम्पूर्ण पक्षमा निःशुल्क स्वास्थ्य सुविधा दिनुपर्नेमा जोड दिनुभयो। उहाँले प्रसूति सेवालाई थप प्रभावकारी र पहुँचयोग्य बनाउनुपर्ने धारणा समेत राख्नुभयो।