संखुवासभामा चट्याङ लागेर एक जनाको मृत्यु, दुई घाइते

संखुवासभाको पाँचखपन नगरपालिका-८, पोखराङमा बुधबार राति चट्याङ लागेर २८ वर्षीय उमेश दाहालको मृत्यु भएको छ। अलैँची प्रशोधन केन्द्रमा काम गरिरहेको अवस्थामा चट्याङ लाग्दा दाहालको मृत्यु भएको हो भने अन्य दुई जना गम्भीर घाइते भएका छन्। जिल्ला प्रहरी कार्यालयका प्रहरी निरीक्षक धनबहादुर राजवंशीका अनुसार घाइतेहरूको उपचार भइरहेको छ भने दाहाललाई पाँचखपन आधारभूत अस्पताल पुर्याउँदा मृत घोषित गरिएको थियो।