रसुवा बाढीको प्रभाव अध्ययन गर्न अर्थ समितिद्वारा उपसमिति गठन

प्रतिनिधि सभा अन्तर्गतको अर्थ समितिले रसुवा बाढीको आर्थिक प्रभाव र जलवायु वित्तका विषयमा अध्ययन गर्न सात सदस्यीय उपसमिति गठन गरेको छ। सिंहदरबारमा बसेको समितिको बैठकले सांसद सुशीला खड्काको संयोजकत्वमा सो उपसमिति गठन गरेको हो। उपसमितिमा नरेन्द्र कुमार केरुङ, परशुराम तामाङ, डा. पुष्पराज कँडेल र लिमा अधिकारी लगायतका सदस्यहरू रहेका छन्। यस अध्ययनले देशको अर्थतन्त्रमा बाढीले पारेको असर र जलवायु वित्तसँग सम्बन्धित मुद्दाहरूको विश्लेषण गर्ने लक्ष्य राखेको छ।