भारत र बङ्गलादेशबीच स्थगित रेलसेवा पुनः सञ्चालनबारे वार्ता सुरु

भारत र बङ्गलादेशबीच स्थगित यात्रु रेलसेवा पुनः सञ्चालन गर्ने विषयमा ढाकामा तीन दिने अन्तर-सरकारी रेलवे बैठक सुरु भएको छ। बङ्गलादेश रेलवेका अतिरिक्त महानिर्देशक मोहम्मद नजमुल इस्लामका अनुसार कुन मार्गमा कहिलेदेखि रेल चलाउने भन्ने निर्णय बैठकपछि मात्र हुनेछ। यस वार्तामा सन् २०२४ देखि बन्द रहेका मैत्री एक्सप्रेस, बन्धन एक्सप्रेस र मिताली एक्सप्रेस सञ्चालन गर्नेबारे छलफल भइरहेको छ।