भोटेकोशी बाढीमा ज्यान गुमाएकाहरूको सम्झनामा पशुपतिनाथमा धार्मिक अनुष्ठान

रसुवाको भोटेकोशी नदीमा आएको बाढीमा परी ज्यान गुमाएकाहरूको आत्मशान्तिको कामना गर्दै पशुपतिनाथ मन्दिर परिसरस्थित बागमती तटमा सामूहिक धार्मिक अनुष्ठान गरिएको छ। सोमबार बिहान वैदिक ब्राह्मणहरूद्वारा विभिन्न धर्मग्रन्थको पाठ पारायण एवं जप गरी दिवंगत आत्माहरूप्रति श्रद्धाञ्जली अर्पण गरियो। नेपाल न्यूज बैंकका अनुसार गत भदौ १० गते आएको भीषण बाढीबाट प्रभावित र मृतकहरूको सद्गतिको कामना गर्दै यो अनुष्ठान आयोजना गरिएको हो।